കാലം

ഭരണങ്ങാനം പള്ളീ

2012-01-05T07:51:00.001-08:00

ചില കുട്ടനാടൻ കാഴ്ച്ചകൾ

2012-01-04T06:47:00.000-08:00

പിള്ളേച്ചന്റെ വീട്

2011-11-04T23:56:00.000-07:00

പിള്ളേച്ചന്റെ വീട്

ഈ പച്ചപ്പ്

2011-09-06T11:17:00.000-07:00

എറണാകുളം ട്രാൻസ്പോർട്ട് ബസ്റ്റാൻഡിന്റെ പരിസരത്തു നിന്നുമുള്ള ഒരു ദൃശ്യം

ഓണമായ്

2011-08-26T07:00:00.000-07:00

വീട്ടുമുറ്റത്തെ ചില പൂക്കൾ

കണ്മുന്നിലെ മഴ

2011-06-10T10:12:00.000-07:00

തുറന്നിട്ട ജാലകത്തിനപ്പുറം ചെമ്മൺ പാതയാണ്.

മഴയിൽ കുതിർന്ന ചെമ്മൺ പാതയിലൂടെ കുന്നിൻ മുകളിലെ കുടിലുകളിലെ

മനുഷ്യർ ഉപേക്ഷിച്ച അവശിഷ്ടങ്ങൾ ഒഴുകി നീങ്ങുന്നു.

തുറന്നിട്ട ജാലകത്തിനപ്പുറം കുടപിടിച്ച കുട്ടികൾ കലക്കവെള്ളം ഒഴുതുമറിച്ച് സ്കൂളിലേയ്ക്ക്-

പോകുന്ന കാഴ്ച്ച ജനൽ കമ്പികളിൽ പിടിച്ച് നോക്കി നില്ക്കാൻ രസമാണ്.

മൂന്നാല് ദിവസം മുമ്പ് പ്രസവിച്ച അമ്മിണിയേടത്തിടെ നന്ദിനി പശുവിന്റെ വിശപ്പിന്റെ വിളി ഒരു വശത്ത്.

കലങ്ങിയ ചാലുകളിൽ കൊച്ചുകുളമ്പടികൾ ചവിട്ടി മഴ നനഞ്ഞ് ഓടി നടക്കുന്ന കിടാവിനെ പിടിയ്ക്കാൻ അമ്മിണിയേടത്തിടെ തത്രപ്പാട്.

ഒറ്റാലും അരിവാളുമായി തങ്കപ്പേട്ടൻ നിരാശനായി ബീഡി പുകച്ച് കീറിയ കുടയ്ക്ക് കീഴിൽ വീട്ടിലേയ്ക്കുള്ള വഴിയിൽ.

കഴിഞ്ഞ പെരുമഴയത്ത് കള്ളെടുക്കാൻ പനയിൽ കയറി കാല് ഒടിഞ്ഞ് ഉമ്മറത്തെ ചകിരി കട്ടിലിൽ

വിശ്രമിക്കുന്ന കുമാരേട്ടൻ ബീഡി കത്തിച്ച്. കുശലം ചോദിക്കുന്നു തങ്കപ്പേട്ടനോട്.

‘മീനൊന്നും കിട്ടിയില്ലേ തങ്കപ്പാ.‘

‘മഴ വെള്ളം കൂടുതലാ.’

കലങ്ങിയ വെള്ളത്തിൽ ചെമ്മൺ പാതയിലൂടെ തങ്കപ്പേട്ടൻ വലിച്ചെറിഞ്ഞ ബീഡി കുറ്റി ഒഴുകി നിങ്ങി.

ഇലകളിൽ ചില്ലകളിൽ ശിഖിരങ്ങളിൽ തൂവിയിറങ്ങുന്ന മഴച്ചാലുകൾ.

തുറന്നിട്ട ജാലകത്തിനപ്പുറം ചെമ്മൺപാതയിൽ ദൂരേയ്ക്ക് ഒഴുകിയിറങ്ങി പോകുന്നത് അവശിഷ്ടങ്ങൾ.

മഴ പെയ്യുകയാണ്. തകർത്തു പെയ്യുകയാണ്

പതറാതെ മുന്നേറുക

2011-03-22T11:25:00.000-07:00

വൈകിയെങ്കിലും കാലം തെളിച്ച വഴികളിൽ

പതറാതെ മുന്നേറുക

സധൈര്യം ഞങ്ങളാൽ കഴിയുന്ന പിൻബലം

നല്കിടും ഓർക്കുക

വിജയം അടുത്തുണ്ട് പതറാതെ അടി പതറാതെ മുന്നേറുക.

വിജയം നിനക്കുമാത്രം.

ഹാ മഴ നിനക്ക് എത്രയെത്ര ഭാവങ്ങൾ

2010-10-09T20:17:00.000-07:00

കലങ്ങി മറഞ്ഞൊഴുകുന്ന തോട്ടിൽ കൊറ്റാലും അരിവാളും മായി

വാളയെ നോക്കി പായുന്നു കുട്ടികൾ

മുറ്റത്ത് വാർക്കയിൽ നിന്നും വീഴുന്ന വെള്ളത്തിൽ കൈകൾ തട്ടി തെറിപ്പിക്കുന്നു

അമ്മയും അച്ഛനും ഉണ്ടാക്കി കൊടുത്ത കടലാസുവള്ളങ്ങൾ ചെറുവെള്ളചാലിൽ

ഒഴുക്കി കൌതുകം പുണ്ടൂന്നു അഞ്ചുവയസ്സുകാരി.

വാഴതണ്ടിലും ചകിരികെട്ടിയ കയറിലും ടയറിലും കയറി വെള്ളക്കെട്ടിൽ നീന്തലു പഠിക്കുന്നുണ്ട് ചിലർ.

മഴയിൽ ഓടി നടന്ന് കുളിക്കുന്നു ചിലർ.

മഴം വെള്ളം ചാലുകളായി പറമ്പിൽ കെട്ടി നിറുത്തുന്നു ചിലർ.

മഴയുടെ തണുപ്പിൽ സുഖമായുറങ്ങുന്നു ചിലർ.

ബാറിലെ ഇരുളിമയിൽ രണ്ട് പെഗ്ഗടിച്ച് ലോകകാര്യങ്ങൾ പറയുന്നു ചിലർ.

ഈ നശിച്ച മഴ ഒന്നു മാറിയിരുന്നെങ്കിൽ എന്നു വിലപിക്കുന്നു ചിലർ.

ഹാ മഴ നിനക്ക് എത്രയെത്ര ഭാവങ്ങൾ

പ്രണാമം

2010-07-02T10:47:00.000-07:00

പറയാനേറെയുണ്ടെങ്കിലും പറയാനറിയാത്ത വേദന

കണ്ടിട്ടില്ലൊട്ടുമെ , മിണ്ടിയിട്ടു തെല്ലുമില്ല എങ്കിലും

പുകയുന്നതെൻ ഹൃത്തടം നിറയെ

അമൃതം പകരുമാസംഗീതസാഗരം.

കാലമാം വീഥികൾ നിറയെ പൊഴിഞ്ഞൊരു വിസ്മയമാ

സംഗീതപെരുമഴ.

ഓർത്തിടും മലയാളമാം മാതൃഭൂമീയെന്നെന്നുമീ മഹാപ്രതിഭയെ.

അന്തിപത്രം

2010-06-05T12:04:00.000-07:00

പത്താം ക്ലാസ്സുകാരിയെ അൻപതുകാരൻ പീഡിപ്പിച്ചു.
വിവാഹ വാഗ് ദാനം നല്കി യുവാവ് ഹരിജൻ യുവതിയെ പീഡിപ്പിച്ചു.
പെൺകുട്ടിയുടെ അശ്ലീലചിത്രങ്ങൾ പകർത്തിയ യുവാവ് അറസ്റ്റിൽ.
അമ്മയൊടൊപ്പം കിടന്നുറങ്ങുകയായിരുന്ന നാലുവയസ്സുകാരിയെ എടുത്തൂകൊണ്ട് പോയി പീഡിപ്പിച്ചു
കൊലപ്പെടുത്തി.
മനോരോഗിയായ യുവാവ് അറസ്റ്റിൽ
പന്ത്രണ്ടു വയസ്സുകാരനെ പ്രകൃതി വിരുദ്ധലൈഗികപീഡനത്തിന് ഇരയാക്കിയ അറുപതുകാരൻ അറസ്റ്റിൽ.
അന്ത്യപത്രവാർത്തകൾ ഇങ്ങനെ.
പത്ര വായിച്ചു കഴിഞ്ഞ് എഴുപതുവയസ്സുള്ള തോമാച്ചൻ
ഹോ ഇന്ന് പീഡനമൊന്നുമില്ല.

ദൈവമെ പൊറുക്കുക

2010-06-03T12:12:00.000-07:00

എന്തിനാണ് ?.

ക്രിസ്താനിയ്ക്ക് കുരിശും

ഹിന്ദുവിന് ഓമും

മുസൽമാന് ചന്ദ്രകലയും നല്കിയത്.

എന്തിനാണ്?.

അമ്പലങ്ങൾ ഉണ്ടായത്

പള്ളികളും മസ്ജിദുകളും ഉണ്ടായത്.

എന്തിനാണ്?

ഹിന്ദു ചന്ദനം തൊടാനും

ക്രിസ്താനി കുരിശു വരയ്ക്കാനും

മുസൽമാൻ നിസ്കരിക്കാനും പറഞ്ഞത്.

ഏല്ലാവരും പറയുന്ന ദൈവം ഒന്നാണെങ്കിൽ എന്തിന് സഹോദരങ്ങളെ തമ്മിൽ

ഇങ്ങനെ വിഭജിച്ചു.

ഞാൻ നട്ട മാവ്

2010-06-02T00:27:00.000-07:00

കുട്ടികാലത്ത് അമ്മൂമ്മ വാങ്ങി കൊണ്ടു വന്ന മാമ്പഴത്തിന്റെ വിത്ത്

ഞാൻ കിഴക്കെ പറമ്പിനരുകിലായി കുഴിച്ചിട്ടു.

അതിനു വെള്ളമൊഴിച്ചു.

മാവിത്തിനു തളിരിടുന്നതും അതിന്റെ ഇലകളും തണ്ടും വളരുന്നതും ഞാൻ ഒരു കാഴ്ച്ചകാരനെ പോലെ

നോക്കി നിന്നു കണ്ടു.

മാവ് വളർന്നപ്പോൾ അതിന്റെ വലിയ ശിഖരങ്ങൾക്ക് താഴെ പടിഞ്ഞാറു നിന്നും കിഴക്കു നിന്നും ഇടയ്ക്കിടെ വിരുന്നെത്തുന്ന കാറ്റിന്റെ കുളിരേറ്റ് ഇരിയ്ക്കാൻ ഞാൻ ഇഷ്ടപ്പെട്ടു.

ഒരോ വേനലവധിയ്ക്കും പള്ളികുടങ്ങൾ അടയ്ക്കുമ്പോൾ ചുറ്റുവട്ടത്തെ കുട്ടികൾ എല്ലാം മാമ്പഴം പെറുക്കാൻ ഓടി നടക്കുന്നത് ഞാൻ കൌതുകത്തോടെ നോക്കി കണ്ടു.

അപ്പോഴൊക്കെ അല്പം അഹങ്കാരത്തോടെ എന്റെ മനസ്സു പറഞ്ഞൂ.

ഞാൻ നട്ട മാവ്. എന്റെ മാവിലെ മാമ്പഴം.

വർഷങ്ങൾ കഴിഞ്ഞൂ.

എന്നെനിയ്ക്ക് വയസ്സായി.മരണം കാത്ത് വായുവലിച്ച് ഞാൻ കിടക്കുകയാണ്.

എന്റെ മൂത്തമകൻ അനിരുദ്ധൻ പറയുകയാണ്.

അച്ഛനു ചിതയൊരുക്കാൻ കിഴക്കേല് അച്ഛൻ നട്ട മാവ് മുറിയ്ക്കണമെന്ന്.

എന്നെ ചാണകപോളയിൽ ദഹിപ്പിച്ചോളു.എന്നാലും എനിക്ക് വേണ്ടി ഒരു മാവുപ്പോലും മുറിയ്ക്കരുത്.

ഈ മരങ്ങൾ എന്നേക്കാൾ ഈ ഭൂമിയ്ക്ക് ഉപകാരികളാണ്.

(ദേവിയുടെ ഓർമ്മയ്ക്ക്

2010-05-01T11:38:00.000-07:00

ഉണങ്ങിയ റോസപൂവും പഴകി മഞ്ഞകളർബാധിച്ച കടലാസിലെ

വാചകങ്ങളും എനിക്ക് നഷ്ടപ്പെട്ട പ്രണയത്തിന്റെ നൊമ്പരങ്ങളാണ്.

അവൾ കടന്നുപ്പോയ വഴികളും സംസാരിച്ചു നിന്ന ഇടങ്ങളും വേട്ടയാടപ്പെടുന്ന ഓർമ്മകളാണ്.

അന്ന് അവൾക്ക് വാങ്ങി നല്കിയ കോഫിബൈറ്റിന്റെ പായ്ക്കറ്റുപോലും മാറിപോയിരിക്കുന്നു.

ഈ നഷ്ടപ്രണയം എന്നെ ഭ്രാന്തനാക്കുന്നു.

ഒരു പക്ഷെ ഞാൻ എന്നന്നേയ്ക്കും ഒരു ഭ്രാന്തനായി മാറുകയാകാം.

(ദേവിയുടെ ഓർമ്മയ്ക്ക്)

പിള്ളേച്ചന്റെ കുട്ടി സേനഹം

2010-03-04T10:13:00.000-08:00

പിള്ളേച്ചന്റെ കുട്ടി സേനഹം

(കടപ്പാട്-യാഹു,ഗൂഗിൾ)

ഒരു കുഞ്ഞുവാവയുടെ നിഷ്കളങ്കത

2010-02-19T10:45:00.001-08:00

(ഈ ഫോട്ടോ എനിക്ക് അയ്ച്ചു തന്ന പ്രിയ സുഹൃത്തിന് ഒരായിരം നന്ദി)

ആരീരം രാരീരം രാരോ (എന്തോന്നാ ഇത്)

2010-02-18T10:22:00.000-08:00

ആരീരം രാരീരം രാരോ (എന്തോന്നാ ഇത്)

(കടപ്പാട്-എനിക്ക് മെയിൽ അയ്ച്ചു തന്ന ഒരു വിരുതന്)

ഇങ്ങനെ തൊള്ളതുറക്കല്ലെ ആശാനെ

2010-02-12T09:46:00.000-08:00

ഇങ്ങനെ തൊള്ളതുറക്കല്ലെ ആശാനെ

(കടപ്പാട്-ഗൂഗിൾ,യാഹു)

ഹോ എന്തൊരു നല്ലുമ്മ

2010-02-11T10:18:00.000-08:00

ഹോ എന്തൊരു നല്ലുമ്മ.

(കടപ്പാട്-ഗൂഗിൾ,യാഹു,)

എന്താ കൊള്ളാല്ലേ എന്റെ ഇരിപ്പ്?

2010-02-09T11:40:00.000-08:00

എന്താ കൊള്ളാല്ലേ എന്റെ ഇരിപ്പ്?

(കടപ്പാട്-ഗൂഗിൾ,യാഹു)

യാര് ഇവൾ

2010-02-07T10:29:00.000-08:00

യാര് ഇവൾ ?.

(കടപ്പാട്-യാഹു,ഗുഗിൾ)

പോയൊരു ഉത്സവം

2010-02-05T11:15:00.000-08:00

രാത്രി വിളക്കുകളും കളിപ്പാട്ടകടയിലെ കുപ്പിവളകളുടെ കിലുക്കവും

കടലവിലപ്നകാരന്റെ വറവുചട്ടിയിലെ ചടചടാ ശബദവും.

ഹൽ വ്വയും മലബാറു മിഠായിയും വില്ക്കുന്ന കടകളിലെ നാനാജാതി പലഹാരത്തിന്റെ മണവും

ചേർത്തു വച്ചു ഞാനെന്റെ ഉത്സവങ്ങളിലെ ബാല്യകാലം.

കറ്റമുറിച്ച പാടങ്ങളിലെ കിലുക്കി കുത്തും ചീട്ടും കളിയും.

പൂരപറമ്പിൽ ഒരു അനൌൺസ്മെന്റും.

അടുത്ത ഒരു ബെല്ലോടു കൂടി നാടകം ആരംഭിക്കുകയാണ്.

അതേ ആ നാടകം ആ ഉത്സവം പൂരപറമ്പ്

എനിക്ക് വയസ്സിന്ന് അറുപത്.

ടിവിയിൽ കുട്ടികൾ ഉത്സവം കാണുന്നു ലൈവായി.

അയ്യോ പാവം

2010-02-05T11:09:00.000-08:00

(കടപ്പാട്.യാഹു,ഗൂഗിൾ)

അനാഥത്വം

2009-12-07T09:57:00.000-08:00

നെരിപ്പോടിനുള്ളിൽ എരിയുന്ന വേദനകളും പ്രതീക്ഷകളും പ്രത്യാശകളും

പങ്കുവയ്ക്കാൻ ഇല്ലാത്ത ഒരുവന്റെ നിസ്സാഹായതയാണ് അനാഥത്വം.

ഒരു അനാഥന് തെരുവ് അമ്മയും.

നിസ്സാഹയതയ്ക്ക് മുന്നിൽ വലിച്ചെറിയപ്പെടുന്ന നാണയതുട്ടുകൾ

അച്ഛനുമാണ്.

കാറ്റ്

2009-06-25T10:31:00.000-07:00

കാറ്റ്
മനസ്സിന്റെ മരുഭൂമികളിൽ പൊടിപറത്തി രസിച്ചു.
കാറ്റ്
ഇന്നലെയുടെ തുറന്നിട്ട ജാലകത്തിൽ വിഷവായു നിറച്ചു.
കാറ്റ്
മഴയുടെ തുള്ളികൾക്കൊപ്പം അമ്ലവും വർഷിച്ചു.
കാറ്റ്
ഇരുണ്ടഗർഭപാത്രത്തിൽ നിന്നും മോചനം തേടാതെ
വേദനകളും അടങ്ങാത്ത മോഹങ്ങളും ബാക്കി വച്ചു
കാറ്റ്
ശവങ്ങൾ പട്ടങ്ങളാക്കി ഭൂമിക്കുമേളിൽ പറത്തി.
കാറ്റ്
ചുടു ചോരയും ചാരവും വാരി വിതറി

നദി

2009-06-21T20:35:00.000-07:00

ഉത്ഭവമെവിടെയെന്നറിയില്ല

അനാദിയിൽ നിന്നും ചുരുളുകളായി

ചെറുകണികകളായി

നിർഗ്ഗളിക്കുന്ന ലാവാ പ്രവാഹം.

ഒരോ കണികകളിലുമായി അനേകം

കണികകൾ

അവ വീണ്ടും അസംഖ്യം കണികകളാൽ

ഒത്തൂ ചേരുന്നു.

ഇവിടെ ഒരു നദി പിറക്കുന്നു.

ഒരു പ്രേമം ജനിക്കുന്നു.

2009-06-18T09:48:00.000-07:00

കണ്ണൂകൾ കണ്ണുകളുമായി കോർക്കുമ്പോഴുണ്ടാകുന്ന ലജ്ജയിൽ
നിന്നും ഒരു പ്രേമം ജനിക്കുന്നു.
കർക്കിടകത്തിലെ മഴ കഴിഞ്ഞു വന്ന ചിങ്ങത്തിന്റെ
മധുരമാണ് പ്രേമത്തിന്.
പ്രേമം
ഒറ്റപ്പെടലിൽ നിന്നും മുക്തിനേടിയ മനസ്സിന്റെ ആശ്വാസമാണ്.
പ്രേമം
ഇരുട്ടിൽ പ്രകാശം പരത്തുന്ന മിന്നാമിനുങ്ങാണ്.
പ്രേമം
അനന്തമായ സാഗരത്തിലെ അതിസൂക്ഷമമായ ഒരു കണികയാണ്.
പ്രേമം
വസന്തത്തിന്റെ നിറപകിട്ടാണ്.
പ്രേമം
ആനന്ദം നിറഞ്ഞ മനസ്സിന്റെ കണ്ടെത്തലാണ്.

പ്രയാണം

2009-06-17T10:19:00.000-07:00

അകന്നു പോയ ഇരുട്ട് അടുത്തടുത്ത് വരുന്നതുപോലെ
മനസ്സിന്റെ ഗർഭത്തിൽ ചിതലരിക്കുന്ന ഓർമ്മകൾ
ദ്രവിച്ച ചിന്തകൾ
ആത്മാവിനു തീ പിടിക്കുമ്പോൾ ഒരു കട്ടപ്പുക അന്തരീക്ഷത്തെ വൃണപ്പെടുത്തുന്നു.
മനസ്സിന്റെ കുഷ്ഠം ജന്മാന്തരങ്ങളിലേയ്ക്ക് പടരുന്നു.
ലക്ഷ്യമില്ലാത്ത യാത്ര,
ചിന്തകളുടെ ഇടുക്കിൽ ദ്രവിച്ച ചീളുകൾ എരിയുന്ന ഗന്ധം.
മാറ്റങ്ങൾ കണ്ടെത്താൻ മടിക്കുന്ന മനസ്സ്.
പകലിന്റെ വെട്ടം അഗ്നിയാ‍യ്,ലാവയായ്
പടർന്ന് പടർന്ന്…………………?

എന്റെ ഗ്രാമം (ഇന്ന്)

2009-06-16T10:49:00.000-07:00

ഏങ്ങും ഫ്ലാറ്റുകൾ, പെരുകിയ ജനത്തിനു തലചായ്ക്കാനിടമില്ല.
വയലുകൾ മൺകൂനകൾ, പണിതിട്ട പുരത്തറകൾ
ഉണങ്ങി വരണ്ട വരമ്പുകൾ
തോട്ടിൽ വെള്ളമില്ല.
ഉള്ളവ അഴുക്കുചാലുകൾ
മണ്ഡരി വന്നുണങ്ങിയ തെങ്ങുകൾ
കാലത്തിൻ സ്മൃതിയായ് മാറിയ കിളികളുടെ ശബ്ദം
ഇന്നത് വേസ്റ്റേൺ സംഗീതത്തിന്റെ കിരുകിരുപ്പും.
തൂമ്പയും തൊപ്പിപ്പാളയുമേന്തിയ കർഷകരില്ലിന്ന്
അവരെല്ലാം ടൈയ്യും കോട്ടും സ്യൂട്ടുമിട്ട ജോലിക്കാർ
തിരുവാതിര നോമ്പുനോറ്റ പെൺകിടാവില്ല
പകരം ജീൻസും ലിപ്റ്റിക്കുമിട്ട സുന്ദരികൾ
നഗരത്തിന്റെ തിരക്ക് ഗ്രാമത്തിലേയ്ക്ക് എത്തിനില്ക്കുന്നു.
തിരക്കേറിയ വീഥികൾ, പരസ്യബോർഡുകൾ
എവിടെയും ഇന്റ ർ നെറ്റും മൊബൈലും
മാതൃഭാഷമറന്ന മലയാളിയും.

രാത്രികാലത്ത് വഴിയാത്രകാരന് ദിശകാട്ടിയ ചൂട്ടുകറ്റയില്ലിന്ന്
അതിന്റെ സ്ഥാനത്ത് ഹൈപവ്വർ ലൈറ്റുകളും.
മോട്ടോർ ബൈക്കുകളുടെ കാതടിപ്പിക്കുന്ന ശബ്ദവും.
നടന്ന് പോകുന്നവർ നന്നേ ചുരുക്കം.
ഏങ്ങും വാഹനങ്ങൾ
ഓണമില്ല വിഷുവില്ല ദശപുഷപം ചൂടിയ പെൺകിടാങ്ങളില്ല.
അവയുടെ സ്ഥാനത്ത് ഇന്ന് വെറും ആഘോഷങ്ങൾ മാത്രം
ഓർക്കുന്നു ഞാനന്റെ ഗ്രാമത്തെ വേദനയോടെ
ഒരിക്കലും തിരിച്ചുകിട്ടില്ലാ ആ കാലം
വേദനയോടെ ഞാനൊരിറ്റുകണ്ണീർ പൊഴിക്കട്ടെ
ചെറുതായെങ്കിലും.

എന്റെ ഗ്രാമം ( ഇന്നലെ)

2009-06-15T10:30:00.000-07:00

ഒരു കാലത്തെത്ര സുന്ദരമായിരുന്നെന്റെ ഗ്രാമം.
മരുപ്പച്ചകൾ തിണിർത്ത വരമ്പുകൾ
പുൽമേടുകൾ ചെറുഞാറുകൾ നിറഞ്ഞ പാടങ്ങൾ
തത്തയും കൊറ്റിയും ചെറു വാലാട്ടി കിളിയും ചിലച്ചൊച്ച വച്ച പുലരികളും
മഞ്ഞിന്റെ നേർത്ത കണികകൾ ചെറുനെൽകതിരുകളിൽ
ഉമ്മ വച്ചുറങ്ങും പ്രഭാതങ്ങളും.
പുലരി കുളിരായ് ഓടിയെത്തുന്ന മഴമേഘങ്ങളും.
ഓർത്തുനോക്കിയാലെത്ര സുന്ദരം.
ഹാ! എത്ര മനോഹരം എന്റെ ഗ്രാമം.
തിരുവാതിര നോമ്പുനോറ്റ പെൺകിടാവും.
ചെളികുണ്ടു നിറഞ്ഞ വഴിയിലൂടെ ആടിയുലഞ്ഞൂ നീങ്ങിയ കാളവണ്ടിയും
രാത്രിയിലെ യാത്രകാരന് ദിശകാട്ടിയ ചൂട്ടുകറ്റയും.
രാത്രികാലത്തെ ഭയപ്പെടുത്തിയ കൂമൻ പക്ഷിയുടെ
രോദനവും ചെറുകണികകളായി മനസ്സിൽ പെയ്തിറങ്ങുന്ന ഓർമ്മകൾ.
ഹാ! എത്ര സുന്ദരം, എത്ര മനോഹരം എന്റെ ഗ്രാമം.

ജേഴ്സി പശു

2009-06-05T09:56:00.000-07:00

കൊമ്പുണ്ട് വാലുണ്ട്
കുടവയറുണ്ട്.
ചേലൊത്ത വയറിൽ
ഒരു കുടം പാലുണ്ട്.
പാലു കറക്കാൻ ചെന്നാൽ പിൻ കാലിനടിയ്ക്കാനുള്ള
ശൌര്യമുണ്ട്.
ജേഴ്സിയാണേലും നാടൻ കാളയേക്കാൾ ശൌര്യമാണിവൾക്ക്.

മരണശേഷം (ഒരു പേകിനാവ്)

2009-03-23T00:44:00.000-07:00

മഴ പെയ്യുന്നു.

ആർത്തിരമ്പി, എന്തിനെയോ കീഴടക്കാനുള്ള ഉദ്യമത്തോടെ

മുറ്റത്തെ മാവിൻ കൊമ്പിൽ ഒരു പക്ഷിയെപോലെ ആത്മാവ് നനഞ്ഞൊലിച്ചു.

ഇടിയുടെ ശബ്ദം കേട്ടപ്പോൾ പുറത്തെ വാതിലുകൾ കുട്ടികൾ കൊട്ടിയടച്ചു.

എന്റെ ശരീരം ഇന്നലെ അഗ്നി വിഴുങ്ങിയതുകൊണ്ട് ഇന്ന് എനിക്ക് ശരീരമില്ല.

ഏങ്ങോ ചത്തു കിടന്ന ഒരു പക്ഷിയുടെ ശരീരം ഞാൻ കടം വാങ്ങി.

എന്റെ ദുരവസ്ഥ.

മഴനനഞ്ഞ് ശീലിച്ച് പ്രകൃതിയുമായി കൂട്ടുകൂടി നടന്നിട്ടുള്ള പക്ഷിയുടെ ശരീരത്തിലിരുന്ന് ഞാൻ വിറച്ചു.

ആരും വാതിൽ തുറന്നില്ല.

ഞാൻ ഇടക്കിടെ കൂവി കരഞ്ഞു.

ആരും കേട്ടില്ല.

എപ്പോഴോ അടുപ്പിൽ ഉപ്പുകൾ പൊട്ടുന്ന ശബദം കേട്ടു.

അന്നേരം എനിക്ക് മനസ്സിലായി

ഞാനൊരു മരണപക്ഷിയാണെന്ന്.

കള്ള്

2009-03-05T01:21:00.000-08:00

നാട്ടിലെത്ത്യാല് പുഴയരികത്തുള്ള ഷാപ്പില് പോയി

രണ്ട് കുപ്പി തെങ്ങിൻ കള്ള് അടിക്കണം.

ചെത്തുകാരൻ കുട്ടപ്പൻ ചെത്തിയിറക്കിയ അന്തികള്ള്

നല്ലതു പോലെ തണപ്പിച്ച് കഴിക്കണം.

ദാമുവേട്ടന്റെ പുഴവക്കിലെ ഷാപ്പില് നല്ല ഞണ്ട് കറിയും കരിമീൻ പൊള്ളിച്ചതും കിട്ടും.

ഭാസ്കരേട്ടനും ഗോവിന്ദേട്ടനും ജോസൂട്ടിയും മുഹമ്മദും ഞങ്ങൾ നാലഞ്ചാളുകൾ രാവേറെ ചെല്ലുവോളൂം പാട്ടുപ്പാടി പൂരം നടത്തി കുപ്പികാലിയാക്കി

രാത്രി മോട്ടോർ അടിച്ചു നനയ്ക്കുന്ന പാടത്തൂടെ ചെറിയ നെൽകതിരുകളിൽ തട്ടി പാട്ടു പാടി

തെറിവിളിച്ച് കൂവികൊണ്ട് വീട്ടിൽ വന്ന് കയറണം.

മടേല് ജാനുവിന്റെ തിണ്ണയിൽ കത്തുന്ന ചിമ്മിനി വിളക്ക്

കെട്ടോന് അറ്റാക്ക് വന്ന് ചത്തപ്പോൾ അവളൊരു പഞ്ചാലിയായി.

ഭാസ്കരേട്ടനും ഗോവിന്ദേട്ടനും ജോസൂട്ടിയും പിന്നെ ചില കൊച്ചു പിള്ളേര്

മടേല് വഴി പോയാല് രാത്രി തെറി വിളികിട്ടും തലേൽ മുണ്ടിട്ട് നടക്കണം.

ഞാനില്ലേ ആ വഴിക്ക്.

സഖാവ്

2008-09-30T08:24:00.000-07:00

ചുമന്ന കൊടികൾക്ക് കീഴിൽ ഇങ്ക്വാലാബ് വിളികളുമായി ജാഥ നയിച്ച
ആ മനുഷ്യനെ ഞാൻ സഖാവെന്ന് വിളിച്ചു.
നല്ലൊരു സഖാവ് ആകുക എന്നത് ജീവിതത്തിൽ
മറ്റെന്തിനെകാളും വലിയ സ്വപനമായി കൊണ്ടു നടന്നു.
എ.കെ.ജിയെകുറിച്ചും.സഖാവ് കൃഷണപിള്ളയെകുറിച്ചും കേട്ടാണ് ഞാൻ വളർന്നത്.
ഇന്നലെകളിൽ വീട്ടിലെ ചുവരിൽ തൂക്കിയ ലെനിന്റെയും മാക്സിന്റെ ചിത്രങ്ങൾ നോക്കി
ഞാൻ ഇങ്ക്വാലാബ് വിളിച്ചു.
കാരണം മനുഷ്യരെ സേനഹിക്കുകയും ഉള്ളവനിൽ നിന്നും ഇല്ലാത്തവന് ഉപകാരം ചെയ്യുകയും ചെയ്യുക
ആയിരുന്നു എന്റെ ലക്ഷ്യം.
പക്ഷെ ഇന്ന്?

കര്‍ക്കിടകം

2008-07-16T13:38:00.000-07:00

അഷടഗന്ധം പുകച്ചു കൊണ്ടച്ചമ്മ നിലവിളക്കിനരുകിലായി
രുന്ന് രാമയാണം ചൊല്ലിടിന്നു.
ചാണകം മെഴുകിയ പഴയതറവാടിന്‍ ഉമ്മറത്തൂം ഇളം തിണ്ണയിലാകമാനം
കര്‍ക്കീടകമഴയുടെ പെരുംതുള്ളീകള്‍ ചിതറിടുന്നു.
ഉമ്മറപടിക്കരുകിലായൊരു കയറ്റുകട്ടിലില്‍ കറുത്തൊരുകമ്പിളി പുതപ്പിനുള്ളീല്‍
വിറച്ചു കൊണ്ട് മുത്തശ്ശി വെറ്റില മുറക്കുന്നു.
പാടത്തിനക്കരെയുള്ള തോട്ടെറിമ്പിലൂടെ നിരനിരയായി പോകുന്നു
പെട്രോമാക്സുകള്‍
കൂവലുകള്‍ കുറുകലുകള്‍
തലയില്‍ ഒരു തോര്‍ത്തു ചുറ്റി
അഛനിറങ്ങുന്നു.
നീളമുള്ള ഏവര്‍ഡി ടോര്‍ച്ചും മുത്തശ്ശന്റെ പഴയകാലന്‍ കുടയുമായി
ഊത്തപിടിക്കാന്‍

ജന്മനാട്

2008-07-12T11:54:00.000-07:00

എന്നേലും ഒരിക്കല്‍ എനിക്കെന്റെ ജന്മനാട്ടില്‍ പോണം.
മൂന്നും കൂടിയ കവലയില്‍ ബസ്സിറങ്ങി
കപ്പേളയുടെ അതിലെ കിടക്കുന്ന മണ്‍ വഴിയിലൂടെ നടക്കണം.
സത്യവാന്‍ ചേട്ടന്റെ മുറുക്കാന്‍ പീടികയില്‍ നിന്നും നാലണക്ക് ഒരു
നാരാങ്ങാ മിഠായി വാങ്ങി അതും നുണഞ്ഞ് പാടത്തെ ചെറുഞാറുകളില്‍
തട്ടി വരുന്ന കാറ്റും,അക്കരെ തോട്ടിലെ ചെറുപരല്‍ മീനുകളെയും നോക്കി
കരകണ്ടത്തിലൂടെ എന്റെ പഴയവീട്ടിലേക്ക് നടക്കണം.
നേര്‍ത്ത ചാറ്റല്‍ മഴ പെയ്യുമ്പോള്‍ മത്തങ്ങമത്തായിടെ പുരയിടത്തില്‍ നിന്നും
ഒരു മുഴുത്ത ചേമ്പില ഒടിച്ചെടുത്ത് തലയില്‍ ചൂടണം.
കരകണ്ടമിറങ്ങിയാല്‍ താഴച്ചപാടത്തൂടെ മലേല് കിളിയാള്
വച്ച പതുപതുപ്പുള്ള മണവരമ്പിലെ പശപശപ്പിലൂടെ നടന്ന് അക്കരെ കയറണം.
മഴകാലത്ത് വെള്ളം നിറഞ്ഞ് പൊട്ടിയൊലിക്കുന്ന വരമ്പിലൂടെ
കാലുകള്‍ നനച്ച് പടിഞ്ഞാറു നിന്നും അടിക്കുന്ന തണുത്തകാറ്റേറ്റ്
ബാല്യത്തിന്റെ സുഖമുള്ള ഓര്‍മ്മകളുമായി എനിക്കെന്റെ വീട്ടില്‍ തിരിച്ചെത്തണം.

പഴകഞ്ഞി

2008-06-30T11:40:00.000-07:00

കെട്ടോന്‍ നാലുകാലില്‍ ആടി വന്നിട്ട്
കെട്ടോളെടെ നെഞ്ചത്ത് രണ്ട് ചവിട്ട്.
രാത്രി ഭര്‍ത്താവു വരുവോളം കൂരയിലെ മണ്ണെണ്ണവിളക്കിന്റെ
വെട്ടത്തില്‍ കഞ്ഞിവിളമ്പി കാത്തിരുന്നാ പെണ്ണൂമ്പിളക്ക്
രാത്രി കണ്ണീരു മിച്ചം.
നേരം പുലരുമ്പോള്‍ മനയ്ക്കലെ തമ്പ്രാന്റെ പറമ്പില്‍
വേലയ്ക്കു പോകുന്ന കെട്ട്യോന്‍
തലേന്നത്തെ പഴകഞ്ഞി
ഒരു കിണ്ണം പാത്രത്തില്‍ ഒരു തവി തൈര്.
ഒരു ചുവന്നുള്ളീ , ഒരു കാന്താരിമുളക്
ഞരടിച്ചിട്ട് ഒരൊറ്റ വലി.
വീണ്ടും തമ്പ്രാന്റെ പറമ്പില്‍ വേല
രാത്രി കള്ളൂഷാപ്പിന്ന്
ആടി ആടി പുലമ്പി കൊണ്ട്
വാതില്‍ മുട്ടി.
ഫ,എരണം കെട്ടോളെ
വാതില്‍ തുറന്ന് മുന്നില്‍ വന്നു നില്‍ക്കുന്ന
ഭാര്യയെ കുനിച്ചു നിറുത്തി രണ്ടിടി
നേരം വെളുത്താല്‍ വീണ്ടും പഴകഞ്ഞി
കുടി.
തമ്പ്രാന്റെ പറമ്പിലെ പണി.
ഒരു ദിവസം കെട്ട്യോന്‍ മരിച്ചു.
കെട്ട്യോള്‍ തനിച്ചായി.
ഒരു രാത്രി പതിവുപോലെ
വാതിലില്‍ മുട്ടി
കെട്ട്യോള്‍ പരിഭ്രമത്തോടെ വാതില്‍ തുറന്നു
മുന്നില്‍ കണ്ടത് മനക്കലെ തമ്പ്രാന്‍
കൈയ്യില്‍ പലഹാരങ്ങള്‍ നാനാവിധം
മുഖത്ത് ഒരു വഷളന്‍ ചിരി.

ഒന്ന് കണ്ണൂ തുറക്കു കണ്ണാ

2008-06-27T11:09:00.000-07:00

വിളിച്ചിട്ടും എന്റെ വിളികേള്‍ക്കാത്തതെന്തെ കണ്ണാ.
ആ മുരളിക ഒന്നൂതാത്തതെന്തെ കണ്ണാ.
കൈനിറയെ വെണ്ണയുമായ് നിന്‍ മുന്നില്‍
ഞാന്‍ കാത്തു നിലക്കുന്നത് നീ കാണാത്തതെന്തെ കണ്ണാ.
എന്നോടൊന്നു മിണ്ടാത്തതെന്തെ കണ്ണാ.
(വിളിച്ചിട്ടും)
പൂന്താനത്തിന്റെ ജഞാനപാനയുമായ് ഞാന്‍ വരാം.
മേല്പത്തൂരിന്റെ നാരായണീയവും കൊണ്ടു വരാം.
കുറുരമ്മയെപോലെ നിന്‍ മുന്നില്‍ വാത്സല്യമായ് ഞാന്‍ നിറഞ്ഞിടാ.
ഒന്നു കണ്ണൂതുറക്കെന്റെ കണ്ണാ.
(വിളിച്ചിട്ടും)
മഞ്ഞപട്ടാടയും അടയാഭരണവും ഞാന്‍ നല്കിടാ.
കാലികളുമായ് എന്നും നിന്‍ മുന്നില്‍ ഞാന്‍ വന്നെത്തിടാം.
എന്റെ മുന്നില്‍ ഒന്നു കണ്ണുതുറക്കെന്റെ കണ്ണാ.
(വിളിച്ചിട്ടും)

നാലുമണി മഴ

2008-06-23T12:01:00.000-07:00

ആര്‍ത്തിരമ്പി വിളിച്ചോടിയെത്തി
ക്ലാസിലെ ജനല്‍പാളികളില്‍ ആര്‍ത്തുലച്ചു
ഭീകരമായ് പെയ്തിറങ്ങിയ നാലുമണിമഴ
സത്യവാന്‍ മാഷിന്റെ കണക്കു ക്ലാസ്
ചൂരല്‍ കഷായം.
ബോര്‍ഡിനു മുന്നിലായ് വിറച്ചു നിന്നു
ഒരു കഷണം ചോക്കില്‍ അറിയാ‍ത്ത ഗണിതപാഠമത്രയും.
വീശിയ വടിയില്‍ ആര്‍ത്തുലച്ചെത്തിയ മഴ
ക്ലാസ്സില്‍ അന്ധകാരത്തിന്റെ വിത്തുകള്‍ പാകിയപ്പോള്‍
സന്തോഷം
പെയ്യട്ടങ്ങനെ പെയ്യട്ടെ വെട്ടി വെട്ടി പെയ്യട്ടെ

എന്തൊരു ചൂട്

2008-06-21T12:36:00.000-07:00

കാലുകള്‍ തളരുന്നു തൊണ്ട വരളുന്നു.
ഒരടി നടക്കാന്‍ വയ്യെനിക്ക്
കണ്ണില്‍ കത്തികാളുന്ന കൊടിയതാപം
പുറത്തിറങ്ങാന്‍ ഇനി ഞാനില്ല
ഉച്ചക്ക് ഭക്ഷണം പോലും വേണ്ടെനിക്ക്
എന്തൊരു ചൂടണാപ്പാ.
ഒരു പെപ്സിക്ക് വില ഒന്നേക്കാല്
ഇന്ന് ആറ് പെപ്സി കുടിച്ചു.
ഒരു ട്യൂബ് ഫെയറാന്‍ ലൌലിയില്‍ മിനുക്കിയ മുഖമാണൊ
ഇത്
എനിക്ക് വയ്യ
നാട്ടിലാണെല്‍ മഴ കാണാമായിരുന്നു
ഗ്ലാമര്‍ നോക്കാമായിരുന്നു.
ഇതിപ്പോ എന്തിരു ദുരിന്തമാണ്
കറുത്താല്‍ ഒരു പെണ്ണൂ നോക്കുമോ എന്നെ
ഞാന്‍ ഇനി വെയിലത്ത് ഇറങ്ങില്ല
അയ്യോ എന്റെ ഗ്ലാമര്‍ പോയെ
ഇനി ഞാനെന്തു ചെയ്യും.

മഴപെയ്യുമ്പോള്

2008-06-20T11:29:00.000-07:00

മഴ പെയ്യുമ്പോള്‍ തോടിയിലൂടെ ഒന്നിറങ്ങി നടക്കണം.
കേശവേട്ടന്റെ ആലയില്‍ കാച്ചിയ പൂവന്തുമ്പാ കൊണ്ട്
പറമ്പില്‍ അങ്ങിങ്ങായി നാലഞ്ചു ചാലുകള്‍ കീറണം.
പായല്‍കറപുരണ്ട ഓട്ടിറമ്പിലൂടെ ഒഴുകിയെത്തുന്ന മഴവെള്ളത്തില്‍
തല നനച്ച് അഹ്ലാദത്തോടെ തുള്ളിചാടണം.
നാലഞ്ചുനാളുകള്‍ മുന്നെയുള്ള പത്രത്തിന്റെ താളുകള്‍ വലിച്ചു കീറി
വള്ളമുണ്ടാക്കണം.
അയലത്തെ ദേവകി ചേച്ചിടെ കയ്യാലപൊക്കത്തു
നിന്നും കുതിചെത്തൂന്ന കലക്കവെള്ളത്തില്‍ ആ കടലാസു വള്ളങ്ങള്‍
ഒഴുക്കി അവയ്കോപ്പം മഴ നനഞ്ഞ് നടക്കണം.
രാത്രിയായാല്‍ തേക്കെലെ ജോസേഫു ചേട്ടനും അവറാച്ചന്‍ ചേട്ടനും ഒപ്പം
വഴുക്കലുള്ള പാടവരമ്പിലൂടെ ഊത്തപിടിക്കാന്‍ പോണം.
ഉമ്മറത്ത് നീലചായം പൂശിയ ഉരുണ്ട വലിയതൂണില്‍ ചാരി നിന്ന്
കാതുകള്‍ അടച്ചും തുറന്നും മഴയുടെ ഇരമ്പല്‍ കേള്‍ക്കണം.
ഇറമ്പലടിക്കുന്ന ഇളം തിണ്ണയില്‍ നിന്ന് കൈകള്‍ രണ്ടും നീട്ടി
ആ ചാറ്റലിന്റെ കുളിര്‍ ഏറ്റുവാങ്ങണം.
രാത്രി പുറത്ത് ആനന്ദാനൃത്തമാടുന്ന മഴയുടെ സംഗീതം കേട്ട്
നല്ലൊരു പുതപ്പിനുള്ളില്‍ ഒന്നുമറിയാതെ ചുരുണ്ടു കൂടി ഒന്നുമയങ്ങണം.

കാളവണ്ടി

2008-05-20T12:48:00.000-07:00

നാട്ടിലൊരു കാളവണ്ടിയുണ്ട്.
മീശപിരിയനായ പോത്തേട്ടന്റെ
കാളവണ്ടി
കുണ്ടും കുഴിയും വീണ വഴിയിലൂടെ
ആടിയുലഞ്ഞു പോകുന്ന കാളവണ്ടി
മത്തായിച്ചന്റെ പലചരക്ക് കടയിലേക്ക്
സാമാനങ്ങള്‍ കൊണ്ടു വരാനും
കിട്ടുണ്ണി നായരുടെ ചായപീടികയില്‍
വാഴക്കുലകള്‍ എത്തിക്കാനും
പോത്തേട്ടന്റെ കാളവണ്ടി
വേണം
നാട്ടിലെ മണ്‍ പാതയിലൂടെ ആടിയുലഞ്ഞൂ
പോത്തേട്ടന്റെ കാളവണ്ടി പോകുന്നതു കാണാന്‍
നല്ല്ല ശേലാ
കുട്ടിക്കള്‍ സുകുളില്‍ പോകുമ്പോഴും
വരുമ്പോഴും പോത്തേട്ടന്റെ കാളവണ്ടി
കണ്ടാല്‍ ഇന്ന് ഇന്റര്‍ നെറ്റ് നോക്കുന്നാ
ഭംഗിയോടെ നോക്കി നില്‍ക്കൂം
കറുത്ത കാളയാ‍യ കുട്ടനും വെളുത്ത കാളയായ
രാമനുമാണ് പോത്തേട്ടന്റെ കാളവണ്ടിയുടെ
സാരഥികള്‍

ചിത

2008-05-17T11:42:00.000-07:00

ഞാന്‍ മരിക്കുമ്പോള്‍ വടക്കെലെ കമലാക്ഷിയമ്മയുടെ തെക്കെ
പറമ്പില്‍ നിലക്കുന്ന നല്ല നാട്ടുമാവിന്റെ തടികൊണ്ട് വേണം
എനിക്ക് ചിതയൊരുക്കാന്‍.
എന്നെ കത്തിക്കാന്‍ നന്ദിനി പശുവിന്റെ നെയ്യ് തന്നെ വേണം
ഞാന്‍ ദഹിക്കുമ്പോള്‍ ലോകം മുഴുവന്‍ അറിയണം
ഞാന്‍ മരിച്ച ഗന്ധം.
എന്റെ സഞ്ചയനത്തിന് അസ്ഥികഷണങ്ങള്‍ പെറുക്കുമ്പോള്‍
അവ രാമന്‍ കുശവന്റെ കരവിരുതില്‍ മെനഞ്ഞെടുത്ത
നല്ലോരു മണ്‍കുടത്തില്‍ വേണം
നിറയക്കാന്‍
അതില്‍ ചിന്താമണി ടെസ്റ്റയിത്സിലെ നല്ലോരു
പട്ട് കൊണ്ട് പൊതിയണം.
എന്റെ ചിതാ ഭസമം
ഗംഗയിലും പാപനാശിനിയിലും കവേരിയിലും
ഹിന്ദുമഹാസാഗരത്തിലും നിമഞ്ജനം ചെയ്യണം
ഞാന്‍ മരിക്കുമ്പോള്‍
എന്റെ കണ്ണ് മൂക്ക്,വായ് പല്ല് ,ഹൃദയം,വൃക്ക
ഒന്നും ഞാന്‍ ദാനം ചെയ്യില്ല.
മറ്റൊരു പുനര്‍ജന്മമുണ്ടെങ്കില്‍
എനിക്ക് ഇതിനൊന്നും മറ്റാരോടും കടം ചോദിക്കാന്‍ വയ്യ.

ഗുണ്ട

2008-05-14T13:19:00.000-07:00

എതൊരു ഗുണ്ടയുടെയും നിലനിലപിന്റെ
അടയാളങ്ങളാണ് പിച്ചാത്തി മുനകള്‍
രാകി മിനുക്കിയ പിച്ചാത്തിമുന ഗുണ്ടയുടെ
തിളക്കം കൂട്ടും.
കുപ്പിചില്ല് കലക്കിയ വെള്ളം, ആസിഡ് ബള്‍ബ്
സൈക്കിള്‍ ചെയിന്‍ , വടിവാള് തുടങ്ങിയവയെല്ലാം
ഒരു ഗുണ്ടയെ ഗുണ്ടയാക്കുന്ന അടയാളങ്ങളാണ്.
ഒരു ഗുണ്ടയുടെ ധൈര്യം അവന്‍ ഒളിപ്പിച്ചു വച്ച ആയുധത്തിന്റെ ബലമാണ്.
ഒരിക്കല്‍ ഒരുവന്‍ ഗുണ്ടയായാല്‍ അവന്റെ ജീവിതവസാനം വരെ അവന്‍ ഗുണ്ടയായിരിക്കും
ഒരു ഗുണ്ടയുടെ മരണം മറ്റൊരു ഗുണ്ടയുടെ കൈകൊണ്ട് ആയിരിക്കും.

ആറടി മണ്ണ്

2008-05-09T02:48:00.000-07:00

ചോരയും നീരും വിയര്‍പ്പാക്കി കിട്ടുന്ന
പണം കൊണ്ട് എനിക്ക് ആറടി മണ്ണ് വാങ്ങണം.
അവിടെ ആരും കൊതിക്കുന്ന ഒരു കല്ലറ പണിയണം.
കൂടമ്പാറയിലെ കരിമ്പാറ കഷണങ്ങള്‍ വെട്ടിയെടുത്ത
കല്ലില്‍ നാണുവാശ്ശാരിയുടെ കരവിരുതില്‍
ആ കല്ലറക്ക് നല്ലോരു അടിത്തറയിടണം.
ഭംഗിയുള്ള ചിത്ര പണികള്‍ ചെയ്തു മിനുക്കിയെടുത്ത
കല്ലറക്ക് മുകളില്‍ ഞാനെന്റെ ചിത്രങ്ങള്‍ വരച്ചു വയ്ക്കും.
രാത്രി കുടിച്ചു വഴിതെറ്റി വരുന്ന കുടിയമ്മാര്‍ക്ക് വിശ്രമിക്കാന്‍
ഞാനെന്റെ മേല്‍ക്കൂര മാര്‍ബിളു കൊണ്ടലങ്കരിക്കും.

ഭ്രാന്ത്

2008-05-06T13:57:00.000-07:00

ഭ്രാന്ത് ഒരു രോഗമല്ല.
ഭ്രാന്തന്‍ ഒരു രോഗിയുമല്ല.
ഭ്രാന്ത് കാ‍ലം ഒരുവനില്‍ അടിച്ചേല്‍പ്പിക്കുന്ന ശിക്ഷയാണ്.
ഒരു ഭ്രാന്തന് ഭ്രാന്ത് ഒരലങ്കാരമാണ്.
ഭ്രാന്തന്‍ ചിരിക്കുന്നതും കരയുന്നതും ലോകത്തിനു ചിരിപ്പിക്കാനാണ്.
ഒരു ഭ്രാന്തന്റെ ചിരി ലോകത്തിനാന്ദമാണ്.
ഒരു ഭ്രാന്തന്‍ വഴിയിലൂടെ പോയാല്‍.
ലോകം ഒരേ സ്വരത്തില്‍ പറയും.
“ദേ ഒരു ഭ്രാന്തന്‍ പോണു“.
ഒരുവന് ഭ്രാന്ത് വന്നാല്‍ അവന്റെ മരണം വരെ അവന്‍ ഭ്രാന്തനായിരിക്കും.
ഭ്രാന്തന്റെ മരണശേഷം അവനെ ബന്ധിച്ച ചങ്ങല ലോകത്തോട്
വിളിച്ചു പറയും.
“ദേ ഇവിടെ ഒരു ഭ്രാന്തന്‍ ജീവിച്ചിരുന്നു“.

അപഫ്ന്‍

2008-05-03T12:28:00.001-07:00

കുളിയില്ല ജപമില്ല
കുളിച്ചാലും ജപിച്ചാലും ഫലമൊട്ടുമില്ല
പഴയൊരു നാലുക്കെട്ടിന്റെ കോണിലായി
തെക്കോട്ട് ദ്രഷ്ടിക്കളൂന്നി
വായ്കുമുകളില്‍ കൈകള്‍ മറച്ച്
ചിന്താമൂകനായിട്ടങ്ങനെ അവനിരിക്കും
അവനെ അപഫന്‍ എന്നു വിളിക്കാം
ഏട്ടന്റെ നിഴല്‍ വെട്ടം കണ്ടാല്‍ അയിത്തക്കാരനെ
പോലെ അവന്‍ ഓടി മറയും
ഇല്ല്യേല്‍ ഫ് ഏഭ്യാ എന്നുള്ള വിളിയാകും
ഫലം
അവന് സ്വജാതിയില്‍ നിന്നു കല്ല്യാണം കഴിച്ചു കൂടാ
സ്വന്തം സമുദായത്തിലെ പെണ്‍ക്കുട്ടിക്കളെ നോക്കി കൂടാ
ഭഗവാനെ പൂജിക്കാന്‍ അധികാരമില്ല
ബ്രാമണനാണെന്നുള്ള ചിക്നം അവന്റെ പൂണൂല്‍ മാത്രമാണ്
ബാക്കിയൊക്കെ വെറും നിക്രഷ്ടം

തീണ്ടാരി

2008-05-02T14:01:00.000-07:00

ഇടുങ്ങിയ മുറി.
ഒട്ടും വെളിച്ചമില്ലാത്ത ഒരു ഇടുങ്ങിയ മുറി.
പാറ്റക്കളും പല്ലിക്കളും എലിക്കളും കൂട്ടിന്.
ഓട്ടവീണൊരു തകരപാത്രം .
ഒരു ഓട്ടു ഗ്ലാസ്.
പഴകിയ അഞ്ചാറു തുണി കഷണങ്ങള്‍,
അവയക്കിടയില്‍ വിഷാദം വാരിതേച്ച മുഖവുമായി
അവള്‍.?
തീണ്ടാരി.

ഇരുട്ടിനെ എനിക്ക് ഭയമാണ്

2008-04-29T11:34:00.001-07:00

ഇരുട്ടിനെ എനിക്ക് ഭയമാണ്.
കാരണം ഇരുട്ട് എന്റെ മരണമാണ്.
സന്ധ്യ കറക്കുമ്പോള്‍
അകലെ യമപുരിയില്‍ തിളച്ചയെണ്ണയില്‍
മനുഷ്യമാസം പുഴുങ്ങുന്ന മണം.
മെയ് പതിനൊന്നിനു ട്രെയിനിനു തലവച്ച
ദാമോദരേട്ടന്‍ ഇന്നലെ സ്വപനത്തില്‍
വന്നു പറഞ്ഞു.
നീ വാ.
ഇവിടെ ഈ തിളച്ചയെണ്ണയില്‍ നമ്മുക്ക് നീന്തലു പഠിക്കാം.
അമ്മമ്മയെ ദഹിപ്പിച്ചപ്പോള്‍ ശിരസു പൊട്ടിതെറിച്ചു
നീ തിയ്യില്‍ കിടന്നിട്ടുണ്ടോ।?
ദാമോദരേട്ടന്‍ മുറുക്കാ‍ന്‍ ക്കറ നിറഞ്ഞ പല്ലുകള്‍
കാട്ടി ഉറക്കെ ചിരിച്ചു
അമ്മേ ............
ഇരുട്ടിനെ എനിക്ക് ഭയമാണ്.

മനസിന്റെ നിറം

2008-01-24T12:28:00.000-08:00

ചോരക്കു നിറം ചുവപ്പാണു।

എന്റെ നിറം കറുപ്പാണ്‍।

ഭുമിക്കു ചുടും പൊടിയും കലര്‍ന്നനിറമാണു।

കടലിനു നിലനിറമാണു

മാനത്തിനു കാര്‍മേഘത്തിന്റെ നിറമ്മാണു

പക്ഷെ എന്റെ മനസിന്റെ നിറമാത്രം എനിക്കറിയില്ല

അധിനിവേശം 2

2007-12-18T11:19:00.000-08:00

തെരുവുകള്‍ മരിചു കിടന്നു।വിജനമായ നിരത്തിലുടെ ഇടയ്ക്കു അമേരിക്കന്‍ ടാങ്കറുകള്‍ കുതിചു।മരണത്തിന്റെ ഗന്ധമായിരുന്നു തെരുവുകള്‍ക്ക്‌।ബാഗ്ദ്ധാധിലെ പഴയൊരു പള്ളിയില്‍ നമസ്ക്കാരത്തിനെത്തിയ ഒരു പ്പറ്റം ആളുകള്‍ അമേരിക്കന്‍ റോക്കറ്റാക്രമണത്തില്‍ കൊല്ലപ്പെട്ടതാണു എറ്റവും പുതിയതായി കിട്ടിയ വാര്‍ത്ത।ബാഗ്ദ്ധാധിലെ പ്രധാന നിരത്തുകളെല്ലാം അമേരിക്കന്‍ പടയുടെ കൈകളിലാണു। നിരത്തുക്കളില്‍ ഇടയ്ക്കിടെ വലിയ ബോര്‍ഡുകള്‍ കാണാം। റോഡുകള്‍ മുറിചു കിടന്നള്‍ നിങ്ങള്‍ കൊലചെയ്യപ്പെട്ടേക്കാം।ബസ്രയില്‍ മജീദ്‌ സുള്‍ഫിക്കറിന്റെ നേത്രുതുവ്ത്തില്‍ ആമേരിക്കന്‍ അധിനിവേശനത്തിനെതിരെയുള്ള പൊരാട്ടം തുടരുകയാണു।ബസ്രയിലെ എതോ ഒളിത്താവളത്തിലിരുന്നു പൊരുതുന്ന മജീദ്‌ സുല്‍ഫിക്കറെ തൊടാന്‍പോലും ഇതുവരെ ആമേരിക്കന്‍ പടകോപ്പിനു സാധിചിട്ടില്ല।ഇറാക്കിലെ തെരുവുക്കളില്‍ പ്ലേക്കാര്‍ഡുക്കളുമായി മജീദ്‌ സുല്‍ഫിക്കറിനും ഇറാക്കിനും അഭിവാദ്യം അര്‍പ്പിച്‌ നീങ്ങുന്ന കൊചുകുട്ടികള്‍।ഇറാക്കിന്റെ ഭരണം ഞങ്ങള്‍ക്കു വിട്ടുതരുക।ഞങ്ങള്‍ ജനിച നാടു ഞങ്ങളുടെതാണു.ആമേരിക്കന്‍ സൈന്യം പുറത്തു പോകുക.തെരുവിലുടെ പത്തുവയസ്സോളം വരുന്ന കൊചുകുട്ടികള്‍ പ്രകടനവുമായി നീങ്ങി.അബ്ദുള്ളയെന്ന പതിനാലു വയസ്സുകാരനായിരുന്നു ആ സംഘത്തെ നയിചത്‌.ആമേരിക്കന്‍ അധിനിവേശത്തെ ചെറുത്ത്‌ തോല്‍പ്പിക്കുകയെന്ന സന്ദേശം അഭുള്ളയിലുടെ മജീദ്‌ സുല്‍ഫിക്കര്‍ കുരുന്നുക്കളിലെത്തിക്കുകയായിരുന്നു.മുസൊലിന്‍ ആകട്ടെ ഷാഹിന ഷൗക്കത്തിന്റെ നെയ്ത്രുതുത്തില്‍ ആയിരുന്നുപ്രകടനം.അമേരിക്കന്‍ സൈന്യത്തിനെതിരെ പടപൊരുതിയ കവിയായിരുന്നു ഷൗക്കത്ത്‌.വിപ്ലവം ചവഛിറക്കിയ അദ്ദേഹത്തിന്റെ കവിതകള്‍ ഇറാക്കിലെ കൊചുകുട്ടികള്‍ പോലും എറ്റു ചൊല്ലി.മുസൊലിനിലെ ഗവര്‍ണര്‍ ജനറലിനെ അധിഷേപിചു കവിതയെഴുതിയതാണു അദേഹത്തിന്റെ കൊലപാതകത്തില്‍ കലാശിഛത്‌.പേരെറെയുടെ കൊട്ടാരത്തില്‍ നൂറുകണക്കിനു ആമേരിക്കന്‍ ബ്രിട്ടിഷ്‌ പ്രിതിനിധികള്‍ക്കു കാഴ്ചയായി പൂര്‍ണ നഗ്ന്നായിട്ടാണു ഷൗക്കത്തിനെ പ്രദര്‍ശിപ്പിഛത്‌.ആധുനിക സാമ്രാജ്തുത്തിനും ലോകത്തേ നയിക്കുന്ന ആധുനിക നവയുഗ ശക്തികള്‍ക്കും എതിരായി തിവ്രവാദ പ്രവര്‍ത്തനങ്ങള്‍ നടത്തുകയും അതിനു പ്രേരിപ്പിക്കുകയും അഹുാവാനം ചെയുകയും ചെയ്ത ഈ നായുടെ കൈകള്‍ രണ്ടും അറത്തുമാറ്റുക.പെരെറെയുടെ ആഹുവാനം അതായിരുന്നു. അദേഹത്തിന്റെ ആജ്ഞ കേട്ട താമസം ആമേരിക്കന്‍ സൈന്യത്തിലെ ഒരു ഉദ്യോഗസ്ദ്ധന്‍ ഷൗക്കത്തിന്റെ ഇരുകൈകളും അറത്തുമാറ്റി.കണ്ണെടുക്കുന്ന്വന്റെ കണ്ണു.കൈയെടുക്കുന്ന്വന്റെ കൈഖുറാനു സുതുസ്തി പെരെറെ അട്ടഹസിചു.അള്ളാ...ഷൗക്കത്തില്‍ നിന്നും ജീവന്റെ ആവസാന വാക്കു പൊടിഞ്ഞു.രക്തം ഉതിരാന്‍ ശരിരത്തില്‍ ഒന്നും ബാക്കിയില്ലായിരുന്നു.രക്തം കൊണ്ടു ചുവന്ന കുപ്പായമണിഞ്ഞ ഷൗക്കത്തിന്റെ ശരിരം നിലത്തു വീണു. എന്നിട്ടും പെരെറെയുടെ പ്രതികാരം തീര്‍ന്നില്ല.നമ്മെ ആക്ഷേപിഛ ഇവന്‍ നമ്മുടെ രാജ്യത്തെയാണു ആക്ഷേപിഛത്‌.ഇവനെ പൊതുനിരത്തില്‍ ഉടുവസ്ത്രമില്ലാതെ കെട്ടി തൂക്കു.പെരെറെയുടെ അജ്ഞ നിറവേറ്റപ്പെട്ടു.മുസൊലിനിലെ പൊതുനിരത്തില്‍ ഷൗക്കത്തിന്റെ നഗ്ന ശരിരം കെട്ടി തൂക്കപ്പെട്ടു.ആ രാത്രി മുസൊലിനില്‍ പന്ത്രണ്ടു ആമേരിക്കന്‍ സൈനികര്‍ കൊല്ലപെട്ടു.അറനൂറോളം ഇറാക്കികള്‍ ആ ആക്രമണത്തില്‍ കൊല്ലപ്പെട്ടു.ആമേരിക്കന്‍ പട്ടാളം വീടുക്കളില്‍ കയറി പുരുഷ്യന്മാരുടെ മുന്നിലിട്ടു സ്ത്രിക്കളെ അതിക്രുരമായി ബാലാല്‍സംഗം ചെയ്തു.ഭര്‍ത്താവിന്റെ വിയോഗം അറിഞ്ഞു തളര്‍ന്നു പോയ ഷാഹിനയെ ആറൊളം പട്ടാളക്കാര്‍ അതിക്രുരമായി ബലാല്‍സംഗം ചെയ്തു. തളര്‍ന്നു വീണ അവരുടെ മുഖത്തേക്കു ഒരു പട്ടാള മേധാവി മൂത്രമൊഴിക്കുകയും ശുക്ല്ം തെറുപ്പിക്കുകയും ചെയ്തു.അന്നു ഇറാക്കിലെ തെരുവുക്കളില്‍ കണ്ണില്‍ കണ്ടവരെയെല്ലാ വെറിപൂണ്ട പട്ടിയെ പോലെ അമേരിക്കന്‍ സൈന്യം വെടിവഛു കൊന്നു.ആ സംഭവം ലോകം മുഴുവന്‍ പ്രതിഷേധത്തിനു ഇടയാക്കിജി 8 രാഷ്ട്രങ്ങളില്‍ സോവിയറ്റു റഷ്യ ഒഴിഛു ബാക്കിയെല്ലാം അമേരിക്കയെ പിന്തുണഛപ്പോള്‍ ഗള്‍ഫു രാഷ്ട്രങ്ങളും ഇന്ത്യയെ പോലുള്ള മതേതര രാഷ്ട്രങ്ങളും അമേരിക്കന്‍ നടപടിയെ ചോദ്യം ചെയ്തു അമേരിക്കന്‍ പ്രസിഡന്റു സ്റ്റീഫന്‍ ക്ലൈവര്‍ട്ടിനു കത്തുകളയഛു.ലോകത്തെ വന്‍ ശക്തിയായി മാറിയ അമേരിക്കക്കെതിരെ ചെറു വിരലനക്കാന്‍ മറ്റു രാഷ്ട്രങ്ങള്‍ മടിചു...........................................................മജീദ്‌ സുള്‍ഫിക്കര്‍ ശിഷ്യരില്‍ നിന്നും കേട്ട വാര്‍ത്ത ഞെട്ടലോടെ സ്രവിഛൂ.ബസ്രയില്‍ പ്രകടനം നടത്തൂകയായിരുന്ന നൂറോളം കുരുന്നുകളെ പഴുത്ത ഇരുമ്പു ദണ്‍ണ്ടുപയോഗിചു പൊള്ളിപിഛു.വലിയ ബ്ലേഡുകള്‍ കൊണ്ടു ആണ്‍കുട്ടികളുടെ ലിംഗം പാതി അറത്തു മാറ്റി.ലോക തീവ്രവാദത്തിനെതിരെയുള്ള സുന്നത്താഘോഷം എന്നാണു ബസ്രയിലെ ഗവര്‍ണര്‍ ജനറല്‍ ആല്‍ബെര്‍ട്ടു ഗോങ്ങ്‌ അതിനെ വിശേഷിപ്പിചത്‌.മജീദ്‌ സുള്‍ഫിക്കറിന്റെ മനസില്‍ കനത്ത അഘാതമായി ആ സംഭവം.അതിനു ശേഷം അബ്ധുള്ളയെകുറിഛ്‌ വിവരമൊന്നു മില്ലയിരുന്നു.തുടരും

അധിനിവേശം

2007-12-18T11:13:00.000-08:00

അധിനിവേശം
ശാന്തമായ ഇരുട്ടിനു മറസൃഷിടിചു വേദനയുടെ മുഴക്കങ്ങള്‍.പകലും രാത്രിയുമില്ലാതെയുള്ള കൊടുംപീഢനങ്ങ്ല്‌. മരണത്തിലേക്കു വീണുകൊണ്ടിരിക്കുന്ന ദേശാഭിമാനികള്‍,സാഹിത്യകാരന്മര്‍ബുദ്ധിജീവികള്‍,ഭരണകര്‍ത്തകള്‍,വിപിവപര്‍ട്ട്കര്‍ അങ്ങനെ രാജ്യത്തിന്റെ സ്വാതന്ത്ര്യത്തിനുവേണ്ടി പടപൊരുതുന്ന ഒരു വലിയ സമൂഹത്തിന്റെ വേദനകള്‍ മുഴുവന്‍ ആമേരിക്കന്‍ തടവറയിലെരിചു തീര്‍ക്കുകയാണിവര്‍..............................സെല്‍ നമ്പര്‍ 4എസോഷ്യലിസ്റ്റു പാര്‍ട്ടി നേതാവു മുജീബ്‌ രഹ്ഹ്മന്റെ തടവറബാഗ്ദാധില്‍നിന്നുമുള്ള അന്‍വര്‍ അക്രം റഷീദ്‌ ഹലീദ്‌ ഉമ്മെര്‍ഖുസ്രു മ്മൊസുള്‍നിന്നുമുള്ള റംസുദീന്‍ ഹബീബുള്ള ബസ്രയില്‍നിന്നുമുള്ള ഷരാവ്വത്ത്‌ തുടങ്ങിയവര്‍.നിശ്ശ്ബ്ദമായ തടവറ..ബുട്ടുകളുടെ കനത്ത കാലൊചകള്‍ കേള്‍ക്കുബൊള്‍- ഏല്ലാവരും മയക്കത്തിലേക്കു വഴുതിവീഴും.ക്രുരതയുടെ പ്രതിബിംബമായ ജോര്‍ജ്ജു ക്ലേവാണു ജയില്‍ സുപ്രണ്ടു.രാത്രിയുടെ അന്തിയാമങ്ങളില്‍തടവറയുടെ ഇരുണ്ട ഇടനാഴിയിലുടെ അയ്യാള്‍ നടക്കാനിറങ്ങും.ഇടനാഴിയുടെ ഇരുപ്പുറവും ഉള്ള സെല്ലുകളില്‍ കഴുകന്റെ കണ്ണുകള്‍ പൊലേ അയ്യാള്‍ തിരയും.ഒരോ രാത്രിയിലും ഒരാള്‍ അയ്യാളുടെ മൃഗീയ വികാരങ്ങളുടെ ഇരയാകും.ലോകമെമ്പാടുമുള്ള മുസ്ലിങ്ങള്‍ നോമ്പു തുറക്കുന്ന കാലം.അബുഗ്രയിനിലെ ത്ടവറയില്‍ കൊടിയപീഡനത്തിനിടയിലും തളരാത്ത മനസ്സുമയി അവര്‍ ഒരോരുത്തരും ഇറാക്കിനുവേണ്ടി പ്രാര്‍ഥിചു.ഒരു രാത്രിആറാം നുമ്പര്‍ സെല്ലില്‍ഇറാക്കിലെ കിഴക്കെന്‍ പ്രവശ്യയില്‍ നിന്നുമുള്ള കുറെ തടവുക്കാര്‍-മുസീഫ്‌ ആബീര്‍ എന്നയാളായിരുന്നു സെല്ലിലെ തലമുതിര്‍ന്നയാള്‍"നാളെ കിഴക്കന്‍ ബാഗ്ധാദില്‍ അമേരിക്കന്‍ പടകോപ്പുകള്‍ക്കു നെരെ ആക്രമണം ഉണ്ടാകും."അഷരഫ്‌ ഹസ്സനെന്നയാള്‍വളരെ രഹസ്യമായി പറഞ്ഞു."കൊല്ലണും പന്നികളെ.എന്തു വിലകൊടുത്തും."ആരാഫത്ത്‌ എന്നയാള്‍ പറഞ്ഞു."അതത്രയെളുപ്പമുള്ള കാര്യമല്ല.അത്യാധുനികമായ പല വെടികൊപ്പുകളും അമേരിക്കന്‍ സൈന്യത്തിന്റെ കയ്യില്ലുണ്ടു.അവരെ എതിര്‍ക്കണമെങ്കില്‍ ബുധിപൂര്‍വമായ പല നീക്കങ്ങളും ഉണ്ടാകണം."മുസീബ്‌ ആബീര്‍ കൂട്ടിചേര്‍ത്തു."ഇന്‍ഷാ അള്ളാ.............""ഇറാക്കിന്റെ മോചനത്തിനായി മരണും വരിക്കാനും നമ്മുടെ കുട്ടികള്‍ തയ്യാറാകും."അബ്ധുള്‍ഖാദര്‍ എന്നയാള്‍ പറഞ്ഞു."പതിയെ പതിയെ............"സ്വതന്ത്ര ഇറാക്കിന്റെ സ്വപ്നത്തിനു മൂര്‍ചയേറിയപ്പോള്‍ വാക്കുകള്‍ക്കു കൂടുതള്‍ ദൃഡത അനുഭവപ്പെട്ടു. അതുകൊണ്ടാകം അഷരഫ്‌ ഹസന്‍ അങ്ങനെ പറഞ്ഞത്‌.ദുരെ നിന്നും ബൂട്ടുകള്‍ നിലത്ത്‌ അമര്‍ത്തി ചവിട്ടി വരുന്ന ശബ്ദം കേള്‍-ക്കാം."കിടന്നൊളു,കിടന്നൊളു........"മുസീര്‍ ആബീര്‍ പറഞ്ഞു.എല്ലാവരും നിശബ്ദരായി തറയില്‍ കിടന്നു.സെല്ലിനു മുന്നിലെ കോറിഡോറിലുടെവലിയ പ്രകാശമുള്ള ടോര്‍ച്‌ മിന്നിചു ജോര്‍ജു ക്ലയ്‌വും ആറേഴു അനുയായികളും പോകുന്നതു കണ്ടു."ദുഷ്ടന്‍ ഇവനെ ഒരിക്കല്‍ ഞാന്‍ കൊല്ലും." ആരാഫ്ത്ത്‌ പതുക്കെ പറഞ്ഞു.അല്‍പം കഴിഞ്ഞു നലോ അഞ്ചോ സെല്ലുകള്‍ക്കപ്പുറെ നിന്നും ഒരു നിലവിളി കെട്ടു."എന്നെ കൊല്ലരുത്‌ എന്നെ കൊല്ലരുത്‌.........."മൊസുലിന്‍ നിന്നുമുള്ള ഒരു യുവകവിയായിരുന്നുവ്ത്‌.ഇറാക്കിന്റെ ആത്മാവു മണത്തറിയുന്ന ഒരു കവിത ചൊല്ലിയതാണു അന്നയാള്‍ക്കു ലഭിഛ ശിക്ഷ.ആയാളുടെ കഴുത്തിനുപിടിചു തള്ളികൊണ്ടു അവര്‍ നാലാം നുമ്പര്‍ സെല്ലിനു മുന്നിലുടെ പോയപ്പോള്‍ മുജീബ്‌ രഹമന്‍ വിളിഛ്‌ പറഞ്ഞു."ഏയ്‌ പട്ടാളക്കാര ആയാളെ ഒന്നും ചെയ്യരുത്‌."പെട്ടന്നു ക്ലയ്‌വു ഒരടികിട്ടിയതുപോലേ നിന്നു."നീയെന്താ പറഞ്ഞത്‌.നായെ.....?"സെല്ലിന്റെ അഴികളിലുടെ കൈകളിട്ടു മുജീബ്‌ രഹമന്റെ കഴുത്തുപിടിചു മുന്നോട്ടു അഞ്ഞിടിചു."ആള്ളാ------"മുക്കും വായും പൊട്ടി രക്തം ഒഴുകി.ആയാള്‍ക്കു മുന്നിലത്തെ ഒരു പല്ലുപോയി."ങും ഇവനെം കൂട്ടികൊണ്ടുവരു."ക്ലയ്‌വിന്റെ ഉത്തരവു കേള്‍ക്കേണ്ട താമസം അനുയായികള്‍അഴിതുറന്നു ആയാളെ കയറിപിടിചു.സെല്ലിലെ മറ്റു തടവുക്കാര്‍അവരെ അക്രമിഛു."ഇറാക്കി ജനത സിന്ധാബാദ്‌.ഇറാക്കിന്റെ മുകളിലുള്ള അമേരിക്കന്‍ അധിനിവേശം ആവസാനിപ്പിക്കുക.""ഇറാക്കി ജനത സിന്ധാബാദ്‌"ബഗ്ധാദില്‍ നിന്നുമുള്ള ഉമ്മര്‍കുസ്രുവും രഷീദ്‌ ഹാലിദുമൊക്കെ എറ്റു വിളിചു."ഫ നായെ..."ഹാലിദിന്റെ മുഖത്തേക്കു കാര്‍ക്കിചു തുപ്പിയിട്ടു ക്ലയ്‌വു മടിയില്‍ നിന്നും റിവോള്‍വര്‍ എടുത്ത്‌ അവരെ രണ്ടുപേരെയും നിറയൊഴിചു."അള്ളാ-------"വാക്കുകള്‍ മുഴിപ്പിയ്കാനാകാതെ ഹാലിദിന്റെ കണ്ണുകള്‍ മിഴിഞ്ഞു. ഒപ്പം ഉമ്മെര്‍കുസ്രുവിന്റെയും।
തുടരും

അധിനിവേശം

2007-12-06T11:07:00.000-08:00

അധിനിവേശം